కొద్ది నెలల క్రితం సుకుమార్ సుకుమార్స్ ఎంటర్టైన్మెంట్ ప్రై లిమిటెడ్ బ్యానర్ పై సినిమాలు నిర్మించనున్నాడని తెలియజేశాడు. సుకుమార్ ప్రొడక్షన్ హౌస్ మొదటి సినిమాతో ఆయన అసోసియేట్ డైరెక్టర్ అయిన వేమారెడ్డి డైరెక్టర్ గా పరిచయమవుతున్నాడు.
తాజా సమాచారం ప్రకారం ఈ సినిమా షూటింగ్ ఇప్పటికే మొదలైంది. ఈ రొమాంటిక్ ఎంటర్టైనర్ లో అంతక ముందు ఆ తరువాత సినిమాతో గుర్తింపు తెచ్చుకున్న సుమంత్ అశ్విన్ హీరోగా నటిస్తున్నాడు. ఈ సినిమాకి సంబందించిన మిగతా నటీనటుల వివరాలు త్వరలోనే తెలియజేస్తారు.
మరోవైపు సుకుమార్ ‘1-నేనొక్కడినే’ సినిమా పోస్ట్ ప్రొడక్షన్ పనుల్లో బిజీగా ఉన్నాడు. మహేష్ బాబు – కృతి సనన్ జంటగా నటించిన ఈ సినిమా జనవరి 10న ప్రపంచవ్యాప్తంగా భారీ ఎత్తున విడుదల కానుంది.
