తన సినిమాలు సక్సెస్ సాదించిన, ఫెయిల్ అయిన నటుడు శివాజీ మాత్రం హీరోగా, సహా నటుడిగా సినిమాలో నటిస్తూనే వున్నాడు. ప్రస్తుతం తను నటిస్తున్న టైటిల్ లేని రొమాంటిక్ కామెడీ ఎంటర్టైనర్ సినిమా షూటింగ్ ఇప్పటి వరకు అరవై శాతం ముగిసింది. ఈ సినిమాని దీపావళికి విడుదల చేయడానికి ప్లాన్ చేస్తున్నారు. ఈ సినిమాలో శివాజీ సరసన కైనజ్ (రాగిణి ఎంఎంఎస్ ఫేం)హీరోయిన్ గా నటిస్తోంది. గుణ శేఖర్ శిష్యుడు రేవన్ యాదు మొదటి సారిగా ఈ సినిమాతో మెగాఫోన్ పట్టనున్నాడు. రమేష్ అన్న రెడ్డి, ప్రసాద్ రెడ్డి కలిసి ఈ సినిమాని నిర్మిస్తున్నారు. ఈ సినిమాకి రాజ్ భాస్కర్ సంగీతాన్ని అందిస్తున్నాడు.
