తమిళనాట అభిమాన దివంగత ముఖ్యమంత్రి అమ్మ ‘జయలలిత’ జీవితం ఆధారంగా ‘తలైవి’ పేరుతో బయోపిక్ తెరకెక్కుతున్న విషయం తెలిసిందే. జయలలిత పాత్రలో బోల్డ్ బ్యూటీ కంగనా రనౌత్ నటిస్తోంది. అయితే.. .ఈ సినిమాలో జయలలిత జీవితంలో చోటు చేసుకున్న పలు వివాదాస్పద విషయాలను కూడా పెట్టాలనుకున్నారు. ముఖ్యంగా అలనాటి అమ్మాయిల కలల హీరో శోభన్ బాబు – జయలలిత మధ్య అనుబంధం పై వచ్చిన రూమర్స్ లో వాస్తవం ఎంత.. వారి మధ్య నిజంగానే ప్రేమ ఉందా.. వాళ్లిద్దరికీ ఓ పాప పుట్టిందా.. ? మరి ఏ కారణాల చేత వాళ్ళు పూర్తిగా దూరం అవ్వాల్సి వచ్చింది..? లాంటి విషయాలను మొదట ఈ సినిమాలో చూపించాలనుకున్నారు. కానీ అమ్మ అభిమానులు మనోభావాలు దెబ్బ తింటాయని బయోపిక్ లో శోభన్ బాబు పాత్రను చాల వరకూ తగ్గించబోతునట్లు తెలుస్తోంది. మరి పూర్తిగా తగ్గిస్తారా లేక కొంత పార్ట్ వరకూ తగ్గిస్తారా అనేది చూడాలి. ఏమైనా ‘అమ్మ’ ఫ్యాన్స్ కోసం శోభన్ బాబు పాత్రను తగ్గించడం బాగాలేదు.
ఇక రాజకీయంగా జయలలిత పై జరిగిన కుట్రలు, అసెంబ్లీలో ఆమె పై జరిగిన దాడుల్లో అప్పటి ముఖ్యమంత్రి కరుణానిధి పాత్ర ఎంత ఉంది లాంటి అంశాలను ఈ సినిమాలో చూపించబోతున్నారు. అదేవిధంగా జయలలిత జీవితంలోని ముఖ్యమైన ఘట్టాలతో పాటు తమిళ రాజకీయాలను జయలలిత ఎలా శాసించగలిగారు ? ఆ క్రమంలో ఆమె ఎదురుకున్న సవాళ్లు ఏమిటి ? అసలు ఎలాంటి స్థాయి లేని వ్యక్తులకి కూడా టికెట్లు ఇచ్చి ఎలా గెలిపించుకోగలిగారు ? అనే విషయాలను కూడా ఈ చిత్రంలో ప్రధానంగా చూపించనున్నారు.
కాగా ఇప్పటికే కంగనా ఈ బయోపిక్ కోసం ప్రత్యేకంగా తమిళం కూడా నేర్చుకుందట. ప్రముఖ రచయిత విజయేంద్ర ప్రసాద్ రాసిన స్టోరీతో తమిళ డైరెక్టర్ ‘ఏ ఎల్ విజయ్’ దర్శకత్వంలో ఈ సినిమా రానుంది.