అజయ్ దేవగణ్ ప్రధాన పాత్రలో దర్శకుడు అమిత్ శర్మ తెరకెక్కిస్తున్న చిత్రం మైదాన్. పీరియడ్ స్పోర్ట్స్ డ్రామాగా ఈ చిత్రాన్ని రూపొందిస్తున్నారు. ఫుట్ బాల్ ప్రధానంగా ఈ సినిమా తెరకెక్కుతుండగా అజయ్ దేవ్ గణ్ కోచ్ పాత్ర చేస్తున్నారు. కాగా నేడు ఈ చిత్రం నుండి అజయ్ దేవ్ గణ్ సెకండ్ లుక్ విడుదల చేశారు. చేతిలో హ్యాండ్ బ్యాగ్, గొడుగు పట్టుకొని కాలితో బాల్ ని తంతున్న అజయ్ దేవ్ గణ్ లుక్ ఆసక్తికరంగా ఉంది. యధార్థ ఘటనల ఆధారంగా ఈ చిత్రాన్ని దర్శకుడు తెరకెక్కిస్తున్నాడు.
ఫుట్ బాల్ క్రీడలో వెనుకపడిపోయిన ఇండియా, ఒకప్పటి వైభవం ఎలా ఉండేదో తెలియజేస్తూ మైదాన్ చిత్రం ఉండనుంది. ఇక ఈ చిత్రంలో ప్రియమణి ఓ ముఖ్య పాత్ర చేస్తున్నారు. మొదట్లో మైదాన్ మూవీ కొరకు కీర్తి సురేష్ ని ఎంపిక చేశారు. కారణాలేమైనా ఆమె తప్పుకున్నారు. జీ స్టూడియోస్ మరియు హనీ కపూర్ సంయుక్తంగా నిర్మిస్తుండగా 2020 నవంబర్ 27న విడుదల కానుంది.