బ్లాక్ బస్టర్ చిత్రాల డైరెక్టర్ ఎస్.ఎస్ రాజమౌళి తన సినిమా కోసం ఎంతో రీసర్చ్ చేసి స్క్రిప్ట్ ని పక్కాగా రాసుకుంటారనే విషయాన్ని ప్రత్యేకంగా చెప్పనక్కర్లేదు. ప్రదక కూడా చాలా రోజులు జరుగుతుంది. ఇలా సినిమా తీయాలంటే చాలా కష్టంతో కూడుకున్న పని, అలాగే నటీనటుల నటన, ఎమోషనల్ సీన్స్ ని పర్ఫెక్ట్ గా తీసి ఆడియన్స్ ని సీట్లో నుంచి లేవకుండా చేస్తారు.
ప్రస్తుతం రాజమౌళి తీయనున్న ‘బాహుబలి’ సినిమా కోసం గత కొద్ది రోజులుగా చాలా సీరియస్ గా ప్రీ ప్రొడక్షన్ పనుల్లో అలాగే నటీనటులకు ట్రైనింగ్ ఇప్పించడంలో పూర్తిగా నిమగ్నమై ఉన్నారు. గత కూడి వారాలుగా నటీనటులకు గుర్రపు స్వారీ, కత్తి యుద్దాల ట్రైనింగ్ జరుగుతోంది. ఈ రోజు ఈ చిత్ర టీం మొత్తం ఒకరి పాత్రని ఒకరు బాగా అర్థం చేసుకోవాలని స్క్రిప్ట్ రీడింగ్ సెషన్లో కోసం ఒకచోట కలిసారు. ‘ఈ చిత్ర నటీనటులు, టెక్నికల్ టీంతో స్క్రిప్ట్ రీడింగ్ సెషన్ జరుగుతోంది. మొదటి సారి పూర్తి స్క్రిప్ట్ ని వింటుంటే చాలా బాగుందని’ శోభు యార్లగడ్డ ట్వీట్ చేసాడు. ఫోటోని కూడా మీకు అందిస్తున్నాం. ఈ ఫోటోలో ప్రభాస్, రానా, అనుష్క, రాజమౌళి, సెంథిల్ కుమార్, నాజర్, జొన్నవిత్తుల మొదలైన వారిని చూడొచ్చు.
బాహుబలి త్వరలోనే సెట్స్ పైకి వెళుతుందని ఆశించవచ్చు. ఈ సినిమా కోసం రామోజీ ఫిల్మ్ సిటీలో భారీ సెట్స్ ని వేస్తున్నారు. సబు సైరిల్ ఆర్ట్ డైరెక్టర్ గా పనిచేస్తున్న ఈ సినిమాకి ఎం ఎం కీరవాణి మ్యూజిక్ డైరెక్టర్. సెంథిల్ కుమార్ సినిమాటోగ్రఫీ అందిస్తున్న ఈ సినిమా గురించి మరిన్ని వివరాలు త్వరలోనే తెలిసే అవకాశం ఉంది.
