సీనియర్ హీరో సుమన్ కి మార్షల్ ఆర్ట్స్ లో మంచి అనుభవం ఉంది. ఐతే, కరాటే, జూడో లాంటి మార్షల్ ఆర్ట్స్‌ను ఏజెన్సీ గిరిజన ప్రాంత విద్యార్థులకు చేరువ చేయడంలో తన వంతు సహాయసహకారాలు అందిస్తానని సుమన్ చెప్పుకొచ్చారు. అల్లూరి జిల్లా పాడేరులో సుమన్ ఆదివారం పర్యటించారు. రుద్రమదేవి సెల్ఫ్ డిఫెన్స్ అకాడమీ ఆధ్వర్యంలో జరుగుతున్న కరాటే శిక్షణను సుమన్ తిలకించి.. అక్కడి విశేషాలను సుమన్ గమనించారు.
సుమన్ ఈ సందర్భంగా మీడియాతో మాట్లాడుతూ.. ఏపీ డిప్యూటీ సీఎం పవన్ కల్యాణ్.. మార్షల్ ఆర్ట్స్ తెలిసిన వ్యక్తి కావడం వల్ల.. ఆ దిశగా పాఠశాలల్లో కరాటే విద్యను ప్రోత్సహించాలని, ఆ దిశగా తాను కూడా కొన్ని కార్యక్రమాలు చేయాలని నిర్ణయించుకున్నట్లు సుమన్ తెలిపారు. ఇక సినిమాల విషయానికి వస్తే.. తాను కీలక పాత్రలో ఓ సినిమాలో నటిస్తున్నట్లు… అదే విధంగా కొన్ని పెద్ద సినిమాల్లో కూడా కీలక పాత్రల్లో నటిస్తున్నట్లు సుమన్ చెప్పారు.
