మాచో హీరో గోపీచంద్ హీరోగా చంద్రశేఖర్ యేలేటి దర్శకత్వంలో వస్తున్న సినిమా ‘సాహసం’. ఈ సినిమాను ఈ నెల 31న లేదా జూన్ మొదటి వారంలో విడుదలచేయడానికి నిర్మాతలు ప్లాన్ చేస్తున్నారు.సినిమా ట్రైలర్ ని ఈ రోజు విడుదల చేశారు. ప్రతి విషయంలోను మంచి శ్రద్ధ తీసుకున్నారు, అందరినీ ఆశ్చర్యపరిచే విదంగా ఈ ట్రైలర్ ఉంది. పురాతన కాలం నాటి నిధి కోసం సాగే యాక్షన్ అడ్వెంచర్ గా తెరకెక్కింది.
ఈ మూవీ ట్రైలర్ కోసం ఇక్కడ క్లిక్ చేయండి – సాహసం ట్రైలర్
తాప్సీ హీరోయిన్ గా నటిస్తున్న ఈ సినిమాని బివిఎస్ఎన్ ప్రసాద్ నిర్మిస్తున్నాడు. ఈ సినిమా మంచి విజయాన్ని సాదిస్తుందని హీరో గోపీచంద్ చాలా నమ్మకంగా వున్నాడు. ‘నేను చాలా రోజుల నుండి బ్రేక్ కోసం ఎదురుచూస్తున్నాను. నేను నటించిన ‘సాహసం’ సినిమా మంచి విజయాన్ని సాదిస్తుందని అనుకుంటున్నాను. ఈ సినిమా కోసం మేమందరం చాలా కష్టపడ్డాము. చాలా క్లిష్టమైన వాతావరణంలో ఈ సినిమా షూటింగ్ చేశాము. చంద్రశేఖర్ యేలేటి దర్శకత్వం సూపర్బ్’ అని అన్నాడు.
ఈ సినిమా గురించి చంద్రశేఖర్ యేలేటి ఈ సినిమాకి పడ్డ కష్టాన్ని ఒక్క నిమిషంలో చెప్పలేము. అలాగే ఆయన మాట్లాడుతూ ‘ ఈ సినిమా 1947 నాటి బ్యాక్ డ్రాప్ తో మొదలై ప్రస్తుత రోజుల్లో ముగుస్తుంది. మేము ఈ సినిమాని పాకిస్తాన్ లో షూట్ చేయలనుకున్నాము. కానీ కొన్ని అనుకోని కారణాల వల్ల లడఖ్ లో షూట్ చేశాము. చాలా కష్టపడి సైనిక స్థావరంలో కొన్ని ముఖ్యమైన సన్నివేశాలను చిత్రీకరించాము. ఇప్పటి వరకు తెలుగులో ఇలాంటి సినిమా రాలేదని’ అన్నాడు.
