ఆకాష్ పూరి హీరోగా నటిస్తోన్న లేటెస్ట్ సినిమా ‘రొమాంటిక్’. యంగ్ డైరెక్టర్ అనిల్ పాదూరి డైరెక్షన్ లో రాబోతున్న ఈ చిత్రం ఆల్ మోస్ట్ షూటింగ్ ను పూర్తి చేసుకుంది. అయితే ఈ సినిమాకు సంబందించి ఫ్యాచ్ వర్క్ మాత్రం బ్యాలెన్స్ ఉంది. కాగా ప్రస్తుతం చిత్రబృందం హైదరాబాద్‌ లో రామోజీ ఫిల్మ్ సిటీలో క్లైమాక్స్ స‌న్నివేశాలతో పాటు కొన్ని సీన్స్ కు సంబంధించిన ఫ్యాచ్ వర్క్ ను చిత్రీకరిస్తున్నారని తెలుస్తోంది.
ఇక ఈ సినిమాలో సీనియర్ హీరోయిన్ రమ్యకృష్ణ కూడా ఓ కీలక పాత్రలో నటిస్తోన్న సంగతి తెలిసిందే. ఈ సినిమాలో ఆకాశ్ పూరి సరసన కేతికా శ‌ర్మ హీరోయిన్ గా నటిస్తోంది. ఈ సినిమా మాఫియా నేపథ్యంలో ఓ ప్రేమ కథగా తెరకెక్కనుందట. మరి ఈ సినిమాతోనైనా ఆకాష్ పూరికి హిట్ వస్తోందేమో చూడాలి.
అయితే రమ్యకృష్ణ ప్లేస్ లో మందిరా బేడి ఆల్ రెడీ నటించిందట. కానీ ఆ సీన్స్ బాగా రాకపోవడంతో మందిరా బేడి ప్లేస్ లో రమ్యకృష్ణను పెట్టి ఆ సీన్స్ ను రీషూట్ చేశారు. పూరి జగన్నాథ్ టూరింగ్ టాకీస్‌, పూరి కనెక్ట్స్ ప‌తాకాల పై పూరి జగన్నాథ్, ఛార్మి ఈ సినిమాను సంయుక్తంగా నిర్మిస్తున్నారు.
