అక్కినేని నాగ చైతన్య నటించిన యాక్షన్ ఎంటర్టైన్మెంట్ చిత్రం ‘బెజవాడ’ ఈ రోజు విడుదలకు సిద్ధమైంది. షూటింగ్ మొదలు పెట్టక ముందు నుండే వివాదాలకు కేంద్ర బిందుకు మారిన ఈ చిత్రం విడుదలైన తరువాత ఎన్ని సంచలనాలు సృష్టిస్తుందో వేచి చూద్దాం. మొదటగా ఈ చిత్రానికి ‘బెజవాడ రౌడీలు’ అనే టైటిల్ ప్రకటించారు. ఎన్నో వివాదాల తరవాత ‘బెజవాడ’ గా మార్చారు. నాగ చైతన్య చివరి చిత్రం దడ నిరాశనే మిగాల్చగా ఈ చిత్రంపై ఆయన అభిమానులు ఎన్నో ఆశలు పెట్టుకున్నారు. నాగ చైతన్యకి జోడీగా అమలా పాల్ నటించగా, ప్రముఖ తమిళ నటుడు ప్రభు చైతన్యకి తండ్రిగా కనిపించబోతున్నారు. వివేక్ కృష్ణ దర్శకత్వం వహించిన ఈ చిత్రాన్ని రామ్ గోపాల్ వర్మ మరియు కిరణ్ కుమార్ కోనేరు కలిసి నిర్మించారు.