మాస్ మహరాజా రవితేజ ప్రస్తుతం వరుస సినిమాలను అంగీకరిస్తూ.. వరుస షూటింగ్స్ తో బిజీ బిజీగా గడిపేస్తున్నాడు. కాగా ఇప్పటికే రచయిత ప్రసన్న కుమార్ బెజవాడ రాసిన కథతో, ‘నేను లోకల్’ ఫేమ్ నక్కిన త్రినాధరావు దర్శకత్వంలో రవితేజ సినిమా చెయ్యటానికి ఒప్పుకున్న సంగతి తెలిసిందే. కాగా ఈ సినిమా ఫుల్ కామెడీ ఎంటర్ టైనర్ గా ఉంటుందని… సినిమాలో రవితేజ క్యారెక్టరైజేషన్ మంచి కామెడీ టైమింగ్ తో అద్భుతంగా ఉంటుందని సమాచారం. త్రినాథరావ్ నక్కిన గత చిత్రాలు కూడా ‘సినిమా చూపిస్తా మామ’ ‘నేను లోకల్ వంటి సినిమాలు మంచి ఎంటెర్టైమెంట్ తో సాగాయి. ఈ సినిమా కూడా అలాగే సాగుతుందట.
పైగా రవితేజ కామెడీ టైమింగ్ గురించి ప్రత్యేకంగా చెప్పక్కర్లేదు. కేవలం తన మాడ్యులేషన్ తోనే అద్భుతమైన కామెడీని పండించగలడు. రవితేజ కామెడీకి పర్ఫెక్ట్ స్క్రిప్ట్ అట ఇది. ఇక కిక్ తరువాత రవితేజ మళ్లీ ఆ రేంజ్ కామెడీ సినిమా చెయ్యలేదు. మొత్తానికి ఈ సినిమాతో రవితేజ ఈ సారి ప్రేక్షకులను ఫుల్ గా నవ్వించడం ఖాయంలా కనిపిస్తుంది.
పీపుల్స్ మీడియా విశ్వప్రసాద్, వివేక్ కూచిభొట్ల ఈ సినిమాని నిర్మిస్తున్నట్లు తెలుస్తోంది. నక్కిన త్రినాధరావు సినిమా ఎప్పుడో స్టార్ట్ అవ్వాల్సింది. కానీ, కొన్ని కారణాలు వల్ల ఆలస్యం అయింది. సమ్మర్ తరువాత నుండి ఈ సినిమా సెట్స్ పైకి వెళ్లే అవకాశం ఉంది. అన్నట్టు రవితేజ రమేష్ వర్మ డైరక్షన్ లోనూ ఓ సినిమా చేస్తున్నాడు.