మెగా పవర్ స్టార్ నటించిన ‘రచ్చ’ చిత్ర షూటింగ్ శర వేగంగా జరుగుతుంది. ప్రస్తుతం ఈ చిత్రం రామోజీ ఫిలిం సిటీలో షూటింగ్ జరుపుకుంటుంది. అక్కడే ఒక ఒక భారీ సెట్ వేసి యాక్షన్ సన్నివేశాలు చిత్రీకరించారు. ఈ చిత్ర పతాక సన్నివేశాల్లోని ఫైట్ లో అన్ని ముఖ్య పాత్రలు పాల్గొంటాయి. రచ్చ చిత్రాన్ని మార్చి నెలాఖరులో విడుదల చేయడానికి సన్నాహాలు చేస్తున్నారు. సంపత్ నంది డైరెక్ట్ చేస్తున్న ఈ చిత్రంలో వైట్ బ్యూటీ తమన్నా హీరోయిన్. మణిశర్మ సంగీతం అందిస్తుండగా హై వోల్టేజ్ యాక్షన్ సన్నివేశాలతో ఫుల్ మాస్ యాక్షన్ ఎంటర్టైనర్ గా తెరకెక్కుతుంది. ఈ చిత్రాన్ని మెగా సూపర్ గుడ్ ఫిల్మ్స్ వారు నిర్మిస్తున్నారు.