హీరోయిజం చూపించి ట్రెండ్సెట్టర్ చేయడంలో పూరి జగన్నాధ్ దిట్ట. చాలా మంది దర్శకులు కథను నమ్ముకుంటే, పూరీ మాత్రం కథతో పాటు తన కథలో హీరోని మరియు ఆ హీరో పాత్ర మలిచే విధానం మీదే దృష్టి పెడతాడు. గతంలో రవితేజతో తీసిన ‘ఇడియట్’ చిత్రంలో రవితేజ పాత్ర మలిచిన తీరుకి మాస్ ఫ్యాన్స్ తో పాటు లేడి ఫ్యాన్స్ ని కూడా సంపాదించుకున్నారు. మహేష్ బాబుతో తీసిన ‘పోకిరి’ తీసి హీరోయిజం చూపించడంలో కొత్త స్టైల్ చూపించారు. మళ్లీ అదే కాంబినేషన్లో వచ్చిన ‘బిజినెస్ మేన్’ లో కూడా మహేష్ పాత్ర అదేలా డిజైన్ చేసి ప్రేక్షకుల శెభాష్ అనిపించుకున్నారు. బిజినెస్ మేన్ ఇటీవలే విడుదలై విజవంతంగా నడుస్తుండటంతో మహేష్ చాలా ఆనందంగా ఉన్నారు. బిజినెస్ మేన్ లాంటి పెద్ద హిట్ ఇచ్చినందుకు పూరీ జగన్ కు ధన్యవాదాలు అంటూ తన ట్విట్టర్ ఎకౌంటులో తెలిపారు.