ప్రియమణి ‘చండీ’ సినిమాలో నటిస్తున్నవిషయం మనందరికి తెలుసు. ఈ సినిమాలోని యాక్షన్ సన్నివేశాలలో అప్పటి లేడీ డాన్ విజయశాంతి మాదిరిగా ప్రియమణి ఎటువంటి డూప్ లేకుండా అద్భుతంగా నటించారని ఈ సినిమా నిర్వాహకులు చెబుతున్నారు. కొన్నిముఖ్యమైన సన్నివేశాలను ఫిబ్రవరి 27 నుండి మార్చి 14 వరకు ఎక్కడ రాజీ పడకుండా, పగలు రాత్రి తేడాలేకుండా ఎంతో కష్టపడి చిత్రీకరించమన్నారు. ఈ సినిమాలోని యాక్షన్ సీన్స్ ను ముగ్గురు పైట్ మాస్టర్స్ నందు, రవి, ప్రకాష్ లు చిత్రీకరించారని సహానిర్మాత సత్య ముమ్మిడి తెలియజేశారు. అలాగే మార్చి 22 నుండి ఏప్రిల్ 5 వరకు 3వ షెడ్యూల్ జరుగుతుందన్నాడు. ‘ప్రియమణి కెరీర్ లో గుర్తుండే సినిమాగా ఇది ఉంటుందని ఆమె సహకారం మరువలేనిదని’ సినిమా దర్శకుడు వి.సముద్ర అన్నాడు. జీ.జగన్నాధ నాయుడు సమర్పణలో ఒమిక్స్ క్రీయేషన్ పథకం పై డా.శ్రీనుబాబు ఈ సినిమాని నిర్మిస్తున్నారు.