హీరో శర్వానంద్ నటిస్తున్న లేటెస్ట్ చిత్రం ‘బైకర్’ ఫస్ట్ లుక్ పోస్టర్‌తోనే ప్రేక్షకుల్లో మంచి బజ్ క్రియేట్ చేసింది. ఈ సినిమాలో శర్వానంద్ తొలిసారి ఓ రేసర్‌గా కనిపించబోతున్నాడు. ఇక స్లిమ్ లుక్‌తో శర్వానంద్ కనిపించడంతో అభిమానుల్లో ఈ సినిమాపై ఆసక్తి నెలకొంది. కాగా, తాజాగా ఈ సినిమా నుండి ‘ప్రెట్టీ బేబీ’ అనే వీడియో సాంగ్ రిలీజ్ చేశారు.
ఈ పాట ఆద్యంతం క్యాచీ ట్యూన్‌తో పెప్పీ నెంబర్‌గా సాగింది. ఇక శర్వానంద్ ఈ పాటలో మాళవిక నాయర్‌తో కలిసి చేసిన డ్యాన్స్ మూవ్స్ కూడా ఆకట్టుకుంటున్నాయి. శర్వానంద్ ఈ సినిమా కోసం తన రూటు మార్చాడని చెప్పాలి. శర్వాను ఈ రేంజ్‌లో ఎనర్జిటిక్‌గా డ్యాన్స్ వేస్తూ చూడటం అభిమానులకు సంతోషాన్నిచ్చింది.
ఇక ఈ సినిమాలో డా.రాజశేఖర్ ఓ కీలక పాత్రలో నటిస్తున్నాడు. గిబ్రాన్ సంగీతం అందిస్తున్న ఈ సినిమాను అభిలాష్ రెడ్డి డైరెక్ట్ చేస్తుండగా యువి సినిమాస్ బ్యానర్ ప్రొడ్యూస్ చేస్తున్నారు. డిసెంబర్ 6న ఈ చిత్రాన్ని గ్రాండ్ రిలీజ్ చేసేందుకు మేకర్స్ రెడీ అవుతున్నారు.
