మంచు మనోజ్ హీరోగా నటిస్తున్న సినిమా ‘పోటుగాడు’. రామోజీ ఫిల్మ్ సిటీలో షూట్ చేసిన ‘రావే రావే నా సూపరు ఫిగరు’ పాటతో ఈ సినిమా షూటింగ్ మొత్తం పూర్తవడంతో సినిమాకి గుమ్మడికాయ కొట్టేసారు. మంచు మనోజ్ సరసన సిమ్రాన్ ముండి, అను ప్రియ, సాక్షి చౌదరి, రేచల్ హీరోయిన్స్ గా కనిపించనున్నారు. అచ్చు – చక్రి సంగీతం అందించిన ఈ సినిమా ఆడియోని ఆగష్టు 25న రిలీజ్ చేయనున్నారు.
కన్నడ సినిమా ‘గోవిందాయ నమః’ కి రీమేక్ గా తెరకెక్కిన ఈ సినిమాకి పవన్ వడేయార్ డైరెక్టర్. ఒరిజినల్ కన్నడ వెర్షన్ కి కూడా పవన్ వాడేయార్ డైరెక్టర్ కావడం విశేషం. ఇటీవలే విడుదల చేసిన ‘దేవత’ సాంగ్ కి మంచి రెస్పాన్స్ వచ్చింది. రామలక్ష్మీ సినీ క్రియేషన్స్ బ్యానర్ పై శిరీష లగడపాటి నిర్మిస్తున్న ఈ సినిమా పోస్ట్ ప్రొడక్షన్ కార్యక్రమాలు శరవేగంగా జరుగుతున్నాయి. మంచు మనోజ్ ఎంతో కాన్ఫిడెంట్ గా ఉన్న ఈ సినిమాని సెప్టెంబర్ లో రిలీజ్ చేయడానికి సన్నాహాలు చేస్తున్నారు.