మెగా పవర్ స్టార్ రామ్ చరణ్ లేటెస్ట్ చిత్రం ‘పెద్ది’ నుండి ‘చికిరి చికిరి’ ఫస్ట్ సింగిల్ సాంగ్‌ను రిలీజ్ చేస్తున్నట్లు మేకర్స్ వెల్లడించిన సంగతి తెలిసిందే. బుచ్చిబాబు సానా డైరెక్ట్ చేస్తున్న ఈ సినిమాకు ఏఆర్ రెహమాన్ సంగీతం అందిస్తున్నాడు.
ఇక ‘చికిరి చికిరి’ అనే పాటను లిరికల్ సాంగ్‌గా రిలీజ్ చేస్తారని అందరూ భావిస్తున్నారు. కానీ, తాజాగా ఈ విషయంపై నిర్మాతలు ఓ సాలిడ్ సర్‌ప్రైజ్ ఇచ్చారు. ఇది లిరికల్ సాంగ్ కాదని.. వీడియో సాంగ్ అని వారు తెలిపారు.
దీంతో ఈ పాటలో రామ్ చరణ్ ఎలాంటి స్టెప్పులు వేస్తాడా.. ఈ పాటను ఎంత అందంగా చిత్రీకరించారా.. అని అభిమానులు ఆసక్తిగా చూస్తున్నారు. జాన్వీ కపూర్ హీరోయిన్‌గా నటిస్తున్న ఈ సినిమాను మైత్రీ మూవీ మేకర్స్, వృద్ధి సినిమాస్, సుకుమార్ రైటింగ్స్ సంయుక్తంగా ప్రొడ్యూస్ చేస్తున్నారు. నవంబర్ 7న ఉదయం 11.07 గంటలకు ఈ పాటను రిలీజ్ చేయనున్నారు.
