పవన్ కళ్యాణ్ కి నితిన్ ఎంత పెద్ద ఫ్యానో మనకు తెలిసిందే. వీరిద్దరి మధ్య మంచి అనుబంధం ఉంది. నితిన్ తన పెళ్ళికి ఆహ్వానించిన అతి కొద్ది మంది ఆప్తులలో పవన్ కళ్యాణ్ ఒకరు. యంగ్ హీరో నితిన్, షాలిని వివాహ వేడుక జూలై 26 రాత్రి 8:30 గంటలకు హైదరాబాద్‌లోని ఫలక్‌నుమా ప్యాలెస్‌లో జరగనున్న విషయం తెలిసిందే. ఈ వివాహానికి ఇరు కుటుంబ సభ్యులతో పాటు కొద్ది మంది అతిథులు మాత్రమే హాజరుకానున్నారు. అయితే శుక్రవారం నితిన్ పెళ్లికొడుకు ఫంక్షన్ నిర్వహించారు.
ఈ ఫంక్షన్‌కు పవన్ కల్యాణ్, త్రివిక్రమ్ శ్రీనివాస్ ఇంకా హారికా అండ్ హాసిని క్రియేషన్స్ నిర్మాత చినబాబుతో పాటు మరికొందరు హాజరైయ్యారు. అయితే నితిన్ పెళ్లి వేడుకకు పవన్ హాజరవ్వడం లేదని, అందుకే ముందుగానే నితిన్‌కు ఆశీస్సులు అందించడానికి పెళ్లికొడుకు ఫంక్షన్‌కు వెళ్లారనే వార్తలు వినిపిస్తున్నాయి. ప్రస్తుతం పవన్ చాతుర్మాస్య దీక్షలో ఉన్న సంగతి తెలిసిందే. దీక్షలో ఉండి కూడా పవన్ తన అభిమాని వేడుకకు హాజరయ్యారు.
