మోహన్ బాబు మంచు, విష్ణు మంచు, మంచు మనోజ్ హీరోలుగా నిర్మిస్తున్న మంచు వారి మల్టీ స్టార్రర్ మూవీ ‘పాండవులు పాండవులు తుమ్మెద’. ఈ సినిమా ఆడియో లాంచ్ శనివారం రోజు హైదరాబాద్ లో చాలా ఘనంగా జరిగింది. శ్రీనివాస్ దర్శకత్వం వహిస్తున్న ఈ సినిమాని విష్ణు మంచు, మనోజ్ మంచు కలిసి జంటగా నిర్మిస్తున్నారు. ఈ వేడుకకు దాసరి నారాయణ రావు, కె. రాఘవేంద్రరావు, ప్రణిత సుభాష్, బ్రహ్మానందం, వీరుపొట్ల, బీ.గోపాల్, కోన వెంకట్, బీవీఎస్ రవి, గోపీమోహన్ మొదలగు అతిధులు హాజరైయ్యారు.
ఈ వేడుకలో దాసరి నారాయణ రావు మాట్లాడుతూ ‘ఈ సినిమాకు మోహన్ బాబు ‘పాండవులు పాండవులు తుమ్మెద’ అనే పేరు పెట్టడం నిజంగా నాకు చాలా సంతోషాన్ని కలిగించింది. ఈ పేరు వింటే ఒక మంచి ఫీలింగ్ కలుగుతుంది. ఈ సినిమాకి మంచు విష్ణు, మనోజ్ లు మంచి స్క్రిప్ట్ ను ఎన్నుకున్నారు. అలాగే మంచి పెర్ఫామెన్స్ ను అందిస్తున్నారు. నేను కచ్చితంగా చెబుతున్నాను ఈ సినిమా బాక్స్ ఆఫీసు వద్ద మంచి విజయాన్ని సాదిస్తుంది’. అని అన్నాడు. ఆ తరువాత ఈ సినిమా ఫస్ట్ ట్రైలర్ ను విడుదల చేశారు. మనోజ్ అక్కడికి లేడీ గెటప్ లో వచ్చి అందరిని ఆశ్చర్యపరిచాడు. ఈ సందర్భంగా మనోజ్ మాట్లాడుతూ ‘ అందరూ నన్ను ఈ గెటప్ ఈ సినిమాలో వుందా అని అడుగుతున్నారు. నేను ఈ గెటప్ వేయడానికి స్పూర్తి నర్తనశాలలో ఎన్ టి ఆర్ గారు వేసిన బృహన్నల పాత్ర. మిగతా విషయాలు తెలియాలంటే ఈ సినిమాలో చూడండి ‘ అని అన్నాడు.
ఈ యాక్షన్ ఎంటర్టైన్మెంట్ సినిమాలో రవీన టాండన్, హన్సిక, ప్రణిత సుభాష్, వరుణ్ సందేశ్, తనిష్, వెన్నెల కిషోర్ మొదలగు వారు నటిస్తున్నారు. ఈ సినిమా జనవరి 31 విడుదలయ్యే అవకాశం ఉంది.