మన దగ్గర కేవలం హీరోలకు మాత్రమే కాకుండా హీరోయిన్స్ పై కూడా కొన్ని సార్లు స్పెషల్ సినిమాలు వస్తుంటాయి. అలా ఇది వరకే చాలా సినిమాలు వచ్చాయి. అయితే కుర్రకారును ఎంతగానో ఆకట్టుకున్న కాజల్ అగర్వాల్ మెయిన్ లీడ్ లో నటించిన ఓ చిత్రం డైరెక్ట్ గా స్ట్రీమింగ్ లోకి రానున్నట్టు తెలుస్తుంది. అది కూడా ఆమె ఎప్పుడో నటించిన సినిమా అని సమాచారం.
కాజల్ అగర్వాల్ మెయిన్ లీడ్ లో రమేష్ అరవింద్ దర్శకత్వంలో తెరకెక్కిన చిత్రం “ప్యారిస్ ప్యారిస్”. నిజానికి ఈ చిత్రం 2018 లోనే విడుదల కావాల్సి ఉన్నా పలు కారణాల చేత ఆగిపోవాల్సి వచ్చింది. కానీ ఇప్పుడు ఈ చిత్రం నేరుగా స్ట్రీమింగ్ లో విడుదల కానున్నట్టు తెలుస్తుంది. హిందీలో కంగనా రనౌత్ నటించిన “క్వీన్” కు రీమేక్ గా తమిళంలో తెరకెక్కించారు. కామెడీ ఎంటర్టైనర్ గా తెరకెక్కిన ఈ చిత్రం ఏ స్ట్రీమింగ్ ప్లాట్ ఫామ్ లో రానుందో చూడాలి.