యువ హీరో నిఖిల్ ‘అర్జున్ సురవరం’ విజయం తర్వాత స్పీడ్ పెంచారు. వరుసగా కొత్త సినిమాలకు సైన్ చేస్తున్నారు. ఇటీవలే ఆయన నూతన చిత్రం ’18 పేజెస్’ లాంచ్ అయింది. కమర్షియల్ ఫార్ములాకు దూరంగా కాన్సెప్ట్ ఒరియెంటెడ్ కథల్నే ఎంచుకుంటూ వస్తున్నారు నిఖిల్. ఆ తరహాలోనే ఈ చిత్రం కూడా ఉంటుందని టాక్. ఈ చిత్రంలో హీరో పాత్ర మెమరీ లాస్ సమస్యతో సఫర్ అవుతూ ఉంటుందట.
ఇప్పటికే ఈ ఫార్ములా మీద తెలుగులో కొన్ని చిత్రాలు వచ్చినా ఈ కథ కొత్తగా ఉంటుందట. అంతేకాదు ఇందులో మంచి లవ్ స్టోరీ కూడా ఉంటుందని తెలుస్తోంది. ఈ చిత్రాన్ని పల్నాటి సూర్యప్రతాప్ డైరెక్ట్ చేయనుండగా గీతా ఆర్ట్స్, సుకుమార్ రైటింగ్స్ సంస్థలు సంయుక్తంగా చిత్రాన్ని నిర్మిస్తున్నాయి. మరోవైపు చందూ మొండేటి దర్శకత్వంలో నిఖిల్ చేయనున్న ‘కార్తికేయ 2’ సినిమా ప్రీప్రొడక్షన్ దశలో ఉంది. త్వరలోనే ఈ ప్రాజెక్ట్ సైట్స్ మీదికి వెళ్లనుంది.