బెల్లంకొండ శ్రీనివాస్ హీరోగా సంతోష్ శ్రీనివాస్ దర్శకత్వంలో ‘అల్లుడు అదుర్స్’ సినిమా రాబోతున్న సంగతి తెలిసిందే. కాగా ఔట్ అండ్ ఔట్ కమర్షియల్ ఎంటెర్టైనర్ గా రానున్న ఈ సినిమాలో యంగ్ బ్యూటీ నిధి అగర్వాల్ ఒక ఐటమ్ సాంగ్ లో నటించబోతున్నట్లు ఇటీవలే వార్తలు వచ్చాయి. అయితే నిధి ఐటమ్ సాంగ్ చేయటానికి మొదట్లో ఓకే చెప్పినా. కరోనా వల్ల షూటింగ్ పోస్ట్ ఫోన్ అవ్వడంతో ఈ సాంగ్ నుండి ఆమె తప్పుకోవాలని నిర్ణయించుకున్నట్లు తెలుస్తోంది. డేట్స్ సద్దుబాటు చేయలేకే ఈ నిర్ణయం తీసుకుందట.
ఇక ఈ సినిమా కూడా గతంలో సంతోష్ శ్రీనివాస్ డైరెక్ట్ చేసిన ‘కందిరీగ’ ఫార్మాట్లో ఉంటుందట. ‘కందిరీగ’లో ఇద్దరు హీరోయిన్లు ఉన్నట్టే ఇందులో కూడా ఇద్దరు కథానాయికలు నభ నటేష్, అను ఇమ్మాన్యుయేల్ నటించనున్నారు. అలాగే అందులో ఒక కీ రోల్ చేసిన సోనూ సూద్ ఈ చిత్రంలో కూడా ఒక ముఖ్యమైన పాత్ర చేస్తున్నారు. ఇక ఫైట్స్ సంగతి సరేసరి. మొత్తానికి ఈసారి కమర్షియల్ హిట్ అందుకోవాలని బెల్లంకొండ హీరో గట్టిగా ప్రయత్నిస్తున్నట్టున్నారు. ‘రాక్షసుడు’ సినిమాతో మంచి హిట్ అందుకున్న బెల్లంకొండ రెట్టించిన ఉత్సాహంతో పని చేస్తున్నాడు.
