‘ఎన్టీఆర్’ నుంచి వార్ 2 రిలీజ్ అయింది. సినిమా పై ఫ్యాన్స్ పెట్టుకున్న అంచనాలు నెరవేరేలా లేవు. ఈ నేపథ్యంలో ప్రశాంత్ నీల్ – ఎన్టీఆర్ కలయికలో రాబోతున్న సినిమా పైనే ఫ్యాన్స్ దృష్టి పెట్టారు. ఈ సినిమా అప్ డేట్స్ కోసం ఫ్యాన్స్ ఎంతో ఆసక్తిగా ఎదురుచూస్తున్నారు. వార్ 2 తర్వాత ఎన్టీఆర్ చేస్తోన్న సినిమా కూడా ఇదే. అందుకే, ఇప్పుడు అందరి చూపు ఈ సినిమా పైనే పడింది. పైగా ఈ సినిమాలో ఎన్టీఆర్ తన కెరీర్ లోనే బెస్ట్ లుక్ లో కనిపించబోతున్నాడు. వెరీ స్టైలిష్ లుక్ లో విభిన్న శైలితో ఎన్టీఆర్, ఈ సినిమాలోనే ప్రధాన హైలైట్‌ గా నిలుస్తాడట.
ఇక ఈ మూవీ టైటిల్ ‘డ్రాగన్‌’ అని ప్రచారంలో ఉంది. ఐతే, ‘డ్రాగన్‌’ సినిమాని ఎన్టీఆర్ కెరీర్ లోనే అత్యుత్తమ సినిమాల్లో ఒకటిగా చేయాలని ప్రశాంత్ నీల్ ప్రయత్నం చేస్తున్నాడట. అందుకే, ఈ సినిమా స్క్రిప్ట్ కోసం ప్రశాంత్ నీల్ చాలా టైమ్ తీసుకున్నాడు. కాబట్టి, ఇప్పటి వరకూ ప్రశాంత్ నీల్ తీసిన అన్ని సినిమాల్లోకల్లా బెస్ట్ సినిమా ఇదే అవుతుందని అంచనాలు ఉన్నాయి. మైత్రీ మూవీ మేకర్స్ మరియు ఎన్టీఆర్ ఆర్ట్స్ కలిసి ఈ సినిమాని నిర్మిస్తున్నాయి. ఈ సినిమాకు రవి బస్రూర్ సంగీతం అందిస్తున్నారు.
