తమిళ సినీ ఇండస్ట్రీలోనే ప్రత్యేకమైన స్టార్ హీరోగా వెలిగిపోతున్న అజిత్ ప్రస్తుతం ‘వాలిమై’ అనే సినిమా చేస్తున్నారు. ఇందులో అజిత్ పోలీస్ అధికారిగా కనిపించనున్నారు. ఇందులో ఓ కీలకపాత్రలో తెలుగు యువ హీరో కార్తికేయ నటిస్తాడని గతంలో వార్తలు వచ్చినా అవి వాస్తవం కాదని తమిళ సినీ వర్గాలు స్పష్టం చేశాయి. ఆ తర్వాత నవీన్ చంద్ర పేరు కూడా తెరపైకి వచ్చినా అధికారిక ప్రకటన రాలేదు. అయితే తాజాగా నవదీప్ ఆ పాత్రలో నటిస్తునట్లు తెలుస్తోంది.
అయితే నవదీప్ ది విలన్ పాత్రనా లేక వేరే సైడ్ క్యారెక్టరా అనేది ఇంకా తెలియాల్సి ఉంది. ఇకపోతే ఇందులో అజిత్ సరసన హుమా ఖురేషి కథానాయికగా నటిస్తోంది. బాలీవుడ్ నిర్మాత బోనీ కపూర్ నిర్మిస్తున్న ఈ చిత్రం దసరాకి విడుదలకానుంది. అజిత్ గత చిత్రం ‘నెర్కొండ పారవై’ను డైరెక్ట్ చేసిన హెచ్.వినోత్ ఈ చిత్రాన్ని డైరెక్ట్ చేస్తున్నాడు.