మంచు మనోజ్ అంకిత భావం గురించి ప్రత్యేకంగా చెప్పుకోవాల్సిన అవసరం లేదు ముఖ్యంగా పోరాట సన్నివేశాలు చిత్రీకరించేప్పుడు మనోజ్ తన ప్రాణాలు పెట్టి చేస్తారు. ప్రస్తుతం “ఊ కొడతారా ఉలిక్కి పడతారా” చిత్ర చిత్రీకరణలో పాల్గొంటున్న ఈ  నటుడు జ్వరంతో బాధపడుతున్నా లెక్కచేయకుండా చిత్రీకరణలో పాల్గొన్నారు. అది కూడా దేహం చూపించవలసిన సన్నివేశాలు కావటంతో నీళ్ళు తాగకూడదని సలహా ఇచ్చారు. దీనితో ఈ నటుడు దాదాపుగా 22 గంటలు నీళ్ళు తాగకుండా గడిపారు. ” ఇప్పుడే బేర్ బాడి సన్నివేశాలు చిత్రీకరణ పూర్తయ్యింది. దాదాపుగా 22 గంటల తరువాత నీళ్ళు తాగుతున్నాను. ఈ రోజు చిత్రీకరణ చాలా బాగుంది రేపు ప్రొద్దున ఆరు గంటల వరకు ఈ చిత్రీకరణ జరగనుంది” అని ట్విట్టర్ లో పేర్కొన్నారు. ఈ చిత్రంలో బాల కృష్ణ మరియు దీక్ష సెత్ లు ప్రధాన పాత్రలు పోషిస్తున్నారు. శేఖర్ రాజ దర్శకత్వం వహిస్తున్న ఈ చిత్రాన్ని లక్ష్మి మంచు నిర్మిస్తున్నారు. బొబో శశి ఈ చిత్రానికి సంగీతం అందిస్తున్నారు.