ఎనేర్జిటిక్ స్టార్ రవి తేజ ఈరోజు 44వ పుట్టిన రోజు జరుపుకుంటున్నారు. భూపతి రాజు రవి శంకర్ రాజు గా 1968 జనవరి 26 న జంగంపేట లో జన్మించిన ఈ నటుడు తండ్రి ఉద్యోగ రిత్యా చిన్నతనం అంతా పలు ప్రదేశాల్లో గడిపారు. తరువాత డిగ్రీ విజయవాడ సిద్దార్థ డిగ్రీ కాలేజీ లో పూర్తి చేసారు చిన్నతనం నుండే చిత్ర పరిశ్రమ మీద ఆసక్తి ఉన్న ఈ నటుడు ముందు డిగ్రీ పూర్తవ్వగానే కృష్ణ వంశి దగ్గర “నినే పెళ్ళాడుతా” చిత్రానికి సహాయ దర్శకుడిగా పని చేశారు. “సింధూరం” చిత్రం లో చిన్న పాత్ర వేసిన రవి తేజ “నీకోసం” చిత్రం తో కథానాయకుడిగా పరిచయం అయ్యారు కాని పూరి జగన్నాథ్ చేసిన “ఇడియట్” చిత్రం తో తారగా ఎదిగారు. ఆ తరువాత రవి తేజ తన కెరీర్ లో వెనక్కి చూసుకోలేదు “అమ్మ నాన్న ఓ తమిళ అమ్మాయి” , ” నా ఆటోగ్రాఫ్ “, “ఖడ్గం “,”మిరపకాయ్” మొదలగు చిత్రాలతో ప్రేక్షకులకు మరింత చేరువయ్యారు. తన ఎనేర్జి మరియు డైలాగు డెలివరీ తో ప్రేక్షకులను ఆకట్టుకున్నారు. ప్రస్తుతం కొన్ని చిత్రాలతో బిజీ గా ఉన్న రవితేజ త్వరలో “నిప్పు” చిత్రం తో ప్రేక్షకుల ముందుకి రాబోతున్నారు. ఈ నటుడికి 123తెలుగు.కాం తరుపున పుట్టిన రోజు శుభాకాంక్షలు.
