ఇది అధికారిక సమాచారం.. రాధా మోహన్ ద్విభాషా చిత్రం ‘గౌరవం’ లో నాగచైతన్య నటించబోతున్నాడు. దీనికి సంబంధించి నాగచైతన్య – రాధా మోహన్ మధ్య చర్చలు జరుగుతున్నాయంటూ కొన్నివారాల క్రితమే వార్తలు వచ్చిన సంగతి తెలిసిందే. ఆకాశమంత, గగనం తదితర చిత్రాలకు దర్శకత్వం వహించిన రాధా మోహన్ ఈ చిత్రాన్ని డైరెక్ట్ చేయబోతున్నారు.
ఫ్యామిలీ డ్రామాగా సాగే ఈ చిత్రం 2012 జనవరిలో సెట్స్ పైకి వెళ్ళబోతుంది. ఎస్ఎస్ తమన్ ఈ సినిమా కు సంగీతం అందించబోతున్నారు. ఈ మూవీ గురించి మరిన్ని వివరాలు త్వరలో ప్రకటించనున్నారు.
నాగ చైతన్య రాబోవు రెండు సినిమాలూ (బెజావాడ, ఆటోనగర్ సూర్య) యాక్షన్ సినిమాలు కాగా, విభిన్న పాత్రల్లో నటించాలన్న ఉద్దేశ్యంతోనే నాగచైతన్య ‘గౌరవం’ సినిమాకు గ్రీన్ సిగ్నల్ ఇచ్చినట్టు తెలుస్తోంది
