గ్లోబల్ స్టార్ రామ్ చరణ్‌కు మరో అరుదైన గౌరవం దక్కింది. ప్రపంచ ప్రఖ్యాత లండన్‌లోని మేడమ్ టుస్సాడ్స్ మ్యూజియంలో రామ్ చరణ్ మైనపు విగ్రహాన్ని చరణ్ చేతుల మీదుగా ఆవిష్కృతం అయింది. ఈ ఈవెంట్ కోసం మెగా ఫ్యామిలీ లండన్‌కు వెళ్లింది.
ఆర్ఆర్ఆర్ తర్వాత రామ్ చరణ్ స్థాయి అంతర్జాతీయంగా అమాంతం పెరిగిపోయింది. ఇక ఆయనకు గ్లోబల్‌గా భారీ ఫ్యాన్ ఫాలోయింగ్ ఏర్పడటంతో మేడమ్ టుస్సాడ్స్ లైబ్రరీలో ఆయన మైనపు విగ్రహాన్ని ఆవిష్కరించారు. కాగా, ఈ ఆవిష్కరణ కార్యక్రమంలో మెగాస్టార్ చిరంజీవి, ఆయన సతీమణి సురేఖతో పాటు గ్లోబల్ స్టార్ రామ్ చరణ్, ఆయన సతీమణి ఉపాసన ఈ ఈవెంట్‌కు హాజరయ్యారు.
ఇక తాజాగా రామ్ చరణ్ మైనపు విగ్రహంతో మెగా ఫ్యామిలీ తీసుకున్న ఫోటో సోషల్ మీడియాలో వైరల్ అవుతోంది. ఈ ఫోటోను మెగా ఫ్యాన్స్ నెట్టింట తెగ షేర్ చేస్తూ తమ సంతోషం వ్యక్తం చేస్తున్నారు.
