కమల్ హాసన్ “విశ్వరూపం” తాజాగా మరో కొత్త అడ్డంకిని ఎదుర్కుంటుంది. ఈ చిత్రాన్ని తమిళనాడు ప్రభుత్వం బ్యాన్ చేసిన విషయం నిన్న తెలిపాము. ఈ చిత్రాన్ని 15 రోజుల పాటు బ్యాన్ చేస్తున్నట్టు ప్రభుత్వం ప్రకటించింది. ఈ నిర్ణయంతో ఆశ్చర్యపోయిన కమల్ హాసన్ హైకోర్ట్ ని ఆశ్రయించారు. సమాచార వర్గాల సమాచారం ప్రకారం న్యాయమూర్తి ఈ చిత్రం చూసేవరకు వేచి ఉండవలసిందిగా ముస్లిం వర్గాల తరుపు న్యాయవాదిని కోరారు. కమల్ హసన్ న్యాయవాది ఈ చిత్రం మూడు భాషల్లో సెన్సార్ కార్యక్రమాలు పూర్తి చేసుకుంది సమస్య ఎక్కడ వచ్చింది అని వాదించారు. ఇరు వర్గాల వాదనలు విన్నాక తీర్పుని జనవరి 28కి వాయిదా వేశారు. “విశ్వరూపం” చిత్రం ప్రారంభ వసూళ్లు భారీ ఎత్తున రావలసి ఉంది. పొడవయిన వారంతం కావడంతో ఓపెనింగ్స్ భారీగా వస్తుంది అని ఊహించారు. కాని ఈ చిత్రం ప్రస్తుతం వాయిదా పడటంతో ఈ ఊహలు అడియాశలు అయ్యాయి ఇటు కమల్ హాసన్ మరియు సినిమా ప్రేమికులు ఎవరు ఈరోజు జరిగినదానికి సంతోషించడం లేదు. అనుకున్న విధంగా తెలుగు వెర్షన్ చిత్రం రానుంది. కమల్ హాసన్ రచించి స్వీయ దర్శకత్వంలో నిర్మించిన ఈ చిత్రంలో ఆయనే ప్రధాన పాత్ర పోషించారు. పూజ కుమార్, ఆండ్రియా మరియు రాహుల్ బోస్ ఈ చిత్రంలో ప్రధాన పత్రాలు పోషించారు. ఈ చిత్రం గ్లోబల్ టెర్రరిజం మీద ఉండబోతుంది.