బాక్సాఫీస్ దగ్గర బ్లాక్‌బస్టర్ హిట్‌గా నిలిచిన రెండు సినిమాలు ఇప్పుడు ఓటీటీలో పోటీ పడుతున్నాయి. మలయాళంలో తెరకెక్కిన లేడీ సూపర్ హీరో మూవీ ‘లోక చాప్టర్ 1’ ప్రస్తుతం జియో హాట్‌స్టార్‌లో స్ట్రీమింగ్ అవుతుంది. ఈ సినిమాలో కళ్యాణి ప్రియదర్శన్ లీడ్ రోల్‌లో నటించింది. ఇక ఈ సినిమాకు ఓటీటీలోనూ సాలిడ్ రెస్పా్న్స్ దక్కుతోంది.
మరోవైపు కన్నడ హీరో కమ్ డైరెక్టర్ రిషబ్ శెట్టి రూపొందించిన ‘కాంతార చాప్టర్ 1’ అమెజాన్ ప్రైమ్ వీడియోలో స్ట్రీమింగ్ అవుతోంది. అయితే, ఈ రెండు సినిమాలు కూడా ఒకేరోజున ఓటీటీ స్ట్రీమింగ్‌కు వచ్చాయి. కాగా ఈ రెండు సినిమాలు స్ట్రీమింగ్‌కు వచ్చిన ఫస్ట్ వీకెండ్‌లో ఏ సినిమాకు ఎక్కువ రెస్పాన్స్ దక్కిందనే విషయంపై ఆర్మాక్స్ రిపోర్ట్ వెలువరించింది. ఈ రిపోర్ట్ ప్రకారం లోక చిత్రానికి 3.8 మిలియన్ వ్యూస్ రాగా, కాంతార చాప్టర్ 1కి 3.5 మిలియన్ వ్యూస్ దక్కాయి.
అయితే, కాంతార చాప్టర్ 1 ఇంకా హిందీలో అందుబాటులోకి రావాల్సి ఉంది. కాగా, లోక ఇప్పటికే పలు భాషల్లో స్ట్రీమింగ్ అవుతోంది.
