అక్కినేని వారి యంగ్ అండ్ టాలెంటెడ్ హీరో అఖిల్ అక్కినేని హీరోగా దర్శకుడు మురళీ కిషోర్ అబ్బూరు తెరకెక్కిస్తున్న సాలిడ్ మాస్ యాక్షన్ చిత్రం “లెనిన్”. అఖిల్ నుంచి ఒక గట్టి కంబ్యాక్ కోసం ఎదురు చూస్తున్న ఫ్యాన్స్ కి ఈ చిత్రం ఒక ఫుల్ మీల్స్ పెట్టే దానిలా కనిపిస్తుంది అని చెప్పాలి. మరి ఇలా లెనిన్ చిత్రం షూటింగ్ శరవేగంగా తెరకెక్కిస్తుండగా ఓ లేటెస్ట్ బజ్ సినిమా రిలీజ్ డేట్ పై ఇపుడు వినిపిస్తుంది.
దీని ప్రకారం లెనిన్ చిత్రం ఈ ఏడాది చివరిలోనే విడుదల అవుతున్నట్టుగా టాక్. ప్రస్తుతానికి అయితే ఈ రానున్న నవంబర్ 14కి అలా లాక్ చేసినట్టుగా ఇప్పుడు తెలుస్తుంది. మరి దీనిపై సోషల్ మీడియాలో ఫ్యాన్స్ నుంచే మిక్స్డ్ టాక్ వినిపిస్తోంది. ఇలాంటి మాస్ సినిమాని ఏ దసరాకో దీపావళికో ఆశిస్తే మరీ నవంబర్ అని డిజప్పాయింట్ అవుతున్నారు. ఇక ఈ చిత్రంలో అఖిల్ సరసన హీరోయిన్ గా శ్రీలీల నటిస్తుండగా సితార ఎంటర్టైన్మెంట్స్ మరియు అన్నపూర్ణ స్టూడియోస్ వారు ఈ చిత్రాన్ని నిర్మాణం వహిస్తున్నారు.
