పరిశ్రమ వర్గాల సమాచారం ప్రకారం క్రియేటివ్ దర్శకుడు కృష్ణ వంశీ కామెడి హీరో అల్లరి నరేష్ కలిసి ఒక చిత్రం చెయ్యనున్నారు. ఈ చిత్రం దాదాపుగా ఖరారు అయిపోయింది ఈ చిత్రంలో కథానాయిక కోసం వెతుకుతున్నారు. కృష్ణ వంశీ దర్శకత్వంలో అల్లరి నరేష్ కనిపించడం ఇది రెండవసారి గతంలో “డేంజర్” అనే చిత్రంలో అల్లరి నరేష్ నటించారు. ఈ కామెడీ చిత్రం ఈ ఏడాది మొదలు కానుంది. ప్రస్తుతం కృష్ణ వంశీ, నాని మరియు కేథరిన్ తెరెసా కలయికలో వస్తున్న “పైసా” చిత్రాన్ని పూర్తి చేసే పనిలో నిమగ్నమయ్యారు. అనిల్ సుంకర దర్శకత్వంలో తెరకెక్కుతున్న “యాక్షన్ 3D” చిత్రీకరణలో అల్లరి నరేష్ బిజీ గా ఉన్నారు.