కన్నడ సినిమా ‘గోవిందాయ నమః’ లోని ప్యార్గే ఆగ్బిట్టైతే పాట 3.73 లక్షల హిట్స్ తో బాగా పాపులర్ అయింది. ఇటీవల ధనుష్ పాడిన ‘కొలవేరి డి’ పాట తమిళ్ మరియు ఇంగ్లీష్ పదాలతో సాగిపోతూ శ్రోతలను ఆకట్టుకుంది అదే విధంగా ఈ పాటలో కన్నడ మరియు ఉర్దూ పదాలతో ఉంది. కన్నడ వారిని విశేషంగా ఆకట్టుకుంది. ఈ పాట పాడిన చేతన్ మరియు ఇందు కన్నడ యాసతో పాడుతూ ఆకట్టుకున్నారు. ఈ పాటకి సాహిత్యం పవన్ వాడేయార్ అందించారు. ఆయనకు ఇదే మొదటి సినిమా కావడం విశేషం. ఈ పాటకి గురు కిరణ్ సంగీతం అందించగా ఈ సినిమాలో కోమల్ మరియు పరుల్ యాదవ్ ముఖ్య పాత్రలు పోషించారు. రెండు నెలల్లో సౌత్ నుండి బాగా పాపులర్ అయిన రెండో పాట ఇదే కావడం విశేషం.