నట సింహం నందమూరి బాలకృష్ణ హీరోగా మాస్ డైరెక్టర్ బోయపాటి శ్రీను దర్శకత్వంలో రాబోతున్న సినిమా గురించి ఇప్పటికే అనేక రకాలుగా అనేక రూమర్స్ సోషల్ మీడియాలో వినిపిస్తూనే ఉన్నాయి. కాగా తాజాగా బాలయ్య ఈ సినిమాలో ఒక సైలెంట్ పాత్రలో బాలయ్య నటించబోతున్నాడట. అంటే పెద్దగా డైలాగ్ లు అండ్ ఫైట్స్ లేని పాత్రలో అన్నమాట. ఆ పాత్రనే అఘోరా పాత్ర అని తెలుస్తోంది. ఆధ్యాత్మికతతో అఘోర పాత్ర చాల వైవిధ్యంగా అలాగే ప్రేరణాత్మకంగా ఉండబోతుందట.
ఈ పాత్ర బాలయ్యకు చాల కొత్తగా ఉంటుందట. ఇక గతంలో బాలయ్య ఎప్పుడూ ఇలాంటి పాత్రలో నటించలేదు. అన్నట్టు ఈ సినిమాలో బాలయ్య క‌వ‌ల‌లుగా క‌న‌ప‌డ‌బోతున్నాడు. ఈ సినిమాలో హీరోయిన్ గా అంజలిని తీసుకున్నారు. అలాగే శ్రియా సరన్ ను కూడా ఓ కీలక పాత్ర కోసం తీసుకోవాలని మేకర్స్ నిర్ణయించుకున్నట్లు తెలుస్తోంది. ఇప్పటికే శ్రియా బాలయ్య సరసన ‘గౌతమిపుత్ర శాతకర్ణి’ అనే సినిమాలో కలిసి నటించింది.
మొత్తానికి బాలయ్య జయాపజయాలతో సంబంధం లేకుండా వరుస సినిమాలతో ఫుల్ బిజీ అవుతున్నారు. బాలయ్యకు ‘సింహ’ రూపంలో పెద్ద హిట్ ఇచ్చిన బోయపాటి ఆ తర్వాత దాన్ని మించి ‘లెజెండ్’ విజయాన్ని అందించారు. కాబట్టి ఈసారి ‘లెజెండ్’ను మించిన హిట్ పడాలని ఫ్యాన్స్ ఆశిస్తున్నారు.