మలయాళ నటుడు దుల్కర్ సల్మాన్ ప్రస్తుతం వరుసబెట్టి సినిమాలు చేస్తున్నాడు. ఆయన నటిస్తున్న సినిమాల్లో ఇప్పటికే ‘కాంత’, ‘ఆకాశంలో ఒక తార’ తెలుగు ప్రేక్షకుల్లో మంచి బజ్ క్రియేట్ చేశాయి. ఈ సినిమాలను పాన్ ఇండియా చిత్రాలుగా మేకర్స్ తెరకెక్కిస్తున్నారు. ఇక తాజాగా ఆయన నటిస్తున్న ‘ఆకాశంలో ఒక తార’ మూవీకి సంబంధించి ఓ క్రేజీ అప్డేట్ అయితే మేకర్స్ ఇచ్చారు.
ఈ సినిమాకు సంగీతాన్ని అందించేందుకు మ్యూజిక్ సెన్సేషన్ జి.వి.ప్రకాష్ కుమార్ సిద్ధమవుతున్నట్లు చిత్ర యూనిట్ తాజాగా ప్రకటించారు. తాజాగా ఆయన పుట్టినరోజు సందర్భంగా ఈ విషయాన్ని మేకర్స్ వెల్లడించారు. ఇక ఈ సినిమాను దర్శకుడు పవన్ సాధినేని డైరెక్ట్ చేస్తుండగా గీతా ఆర్ట్స్, స్వప్న సినిమాస్ బ్యానర్లు సంయుక్తంగా ప్రొడ్యూస్ చేస్తున్నాయి.
ఈ సినిమాలో హీరోయిన్‌గా సాత్విక వీరవల్లి ఇండస్ట్రీకి కొత్తగా పరిచయం కానుంది. ఇక దుల్కర్ సల్మాన్-జి.వి.ప్రకాష్ కుమార్ కాంబినేషన్‌లో ఇప్పటికే ‘లక్కీ భాస్కర్’ మూవీ మ్యూజికల్ హిట్‌గా నిలవడంతో.. ఇప్పుడు ఈ ‘ఆకాశంలో ఒక తార’ కూడా సాలిడ్ రెస్పాన్స్ దక్కించుకోవడం ఖాయమని చిత్ర యూనిట్ ధీమా వ్యక్తం చేస్తుంది.
