తెలుగు, తమిళ్ ఇంకా హిందీ భాషల్లో ఫుల్ బిజీగా ఉన్న వన్ అండ్ ఓన్లీ హీరో ఎవరైనా ఉన్నారు అంటే అది కోలీవుడ్ వెర్సటైల్ స్టార్ ధనుష్ అనే చెప్పొచ్చు. రీసెంట్ గానే తాను తెలుగులో చేసిన కుబేర సూపర్ హిట్ అయ్యి మంచి వసూళ్లు సాధిస్తుంది. దర్శకుడు శేఖర్ కమ్ములతో చేసిన ఈ సినిమా తర్వాత మరిన్ని సినిమాలు ధనుష్ లైనప్ లో ఉన్నాయి. అయితే లేటెస్ట్ గా మరో సాలిడ్ దర్శకుడు తన లైనప్ లో కన్ఫర్మ్ అయ్యాడు.
మరి ఆ దర్శకుడు ఎవరో కాదు కార్తీతో ‘ఖాకీ’, అజిత్ తో భారీ యాక్షన్ చిత్రాలు వలిమై, తెగింపు, ఇప్పుడు దళపతి విజయ్ తో జన నాయకుడు లాంటి సినిమాలు చేస్తున్న దర్శకుడు హెచ్ వినోద్. తాను ధనుష్ కి రీసెంట్ గానే కథచెప్పగా ధనుష్ దాన్ని ఓకే చేసాడట. ఇక ఈ సినిమాకి సామ్ సి ఎస్ సంగీతం అందించడం కూడా కన్ఫర్మ్ అయ్యింది. ఈ చిత్రమైతే విజయ్ తో సినిమా పూర్తయిన వెంటనే మొదలవుతుంది అని తెలుస్తుంది.