శేఖర్ కమ్ముల ఫిదా తర్వాత ఎలాంటి కథతో వస్తాడా అని అందరిలో ఆసక్తి ఉన్న సమయంలో ఆ ఆసక్తిని డబుల్ చేస్తూ క్రేజీ కాంబినేషన్ తో ‘లవ్ స్టోరీ’ సినిమా చేస్తోన్న సంగతి తెలిసిందే. ఇప్పటికే 80 % షూటింగ్ పూర్తి చేసుకున్న ఈ సినిమా మిగిలిన బ్యాలెన్స్ షూటింగ్ ను కూడా ప్రస్తుతం శరవేగంగా పూర్తి చేసుకుంటుంది. ప్రభుత్వం చెప్పినట్లుగానే అన్ని నియమనిబంధనలకు అనుగుణంగానే షూట్ చేస్తున్నారు. వచ్చే వారంతో ఈ షూట్ పూర్తి కానుంది.
ఇక మజిలీ లాంటి సూపర్ హిట్ తో మంచి ఫామ్ లో ఉన్న నాగచైతన్య హీరోగా.. ఫిదాతో తెలుగు ప్రేక్షకులను ఫిదా చేసిన నేచురల్ బ్యూటీ సాయిపల్లవి హీరోయిన్ గా.. ఈ సినిమా చేస్తున్నాడు. కాగా డిస్ట్రిబ్యూటర్స్ గా ఇప్పటి వరకూ వందలాది సినిమాలను రిలీజ్ చేసిన ఏసియన్ డిస్ట్రిబ్యూషన్ కంపెనీ ఈ చిత్రంతో ఫస్ట్ టైమ్ నిర్మాణ రంగంలోకి అడుగు పెడుతుంది. ఇప్పటికే కీలక సన్నివేశాలను పూర్తి చేసుకున్న ఈ సినిమా థియేటర్స్ ఓపెన్ అయినా తరువాత ఆడియన్స్ ముందుకు రాబోతోంది.
