గత కొద్ది సంవత్సరాలుగా కామెడీ స్టార్ బ్రహ్మానందం ఎన్నో రకాల వైవిధ్యమైన పాత్రలు చేసాడు. డైరెక్టర్స్ ఎలాంటి పాత్రలు ఇచ్చినా తన టాలెంట్, హావభావాలతో ప్రేక్షకులను నవ్విస్తూనే ఉన్నాడు. త్వరలో రిలీజ్ కానున్న యాక్షన్ ఎంటర్టైనర్ ‘హార్ట్ అటాక్’ సినిమాలో బ్రహ్మానందం ఓ ఆసక్తికరమైన పాత్రలో కనిపించనున్నాడు. నిన్న విడుదల చేసిన టీజర్ ప్రకారం చూసుకుంటే బ్రహ్మానందం ఈ సినిమాలో ఓ మత గురువుగా లేదా ఒక మత సంబంధమైన సాధువులా కనిపించనున్నాడు.
నితిన్, ఆద శర్మ జంటగా నటిస్తున్న ఈ సినిమాకి దర్శకుడు మరియు నిర్మాత పూరి జగన్నాథ్. 2014 సంక్రాంతి కానుకగా రిలీజ్ చెయ్యడానికి ప్లాన్ చేస్తున్న ఈ సినిమాకి అనూప్ రూబెన్స్ మ్యూజిక్ కంపోజ్ చేస్తున్నాడు.
