నటసింహం బాలయ్య – బోయపాటి శ్రీను కాంబినేషన్లో వచ్చిన ‘అఖండ’ చిత్రం అద్భుత విజయాన్ని సాధించింది. దీంతో, ‘అఖండ 2 – తాండవం’ పై భారీ అంచనాలు నెలకొన్నాయి. ప్రపంచవ్యాప్తంగా భారీ విడుదలకు రెడీ అవుతున్న ఈ చిత్రం మొదటి సింగిల్ ఇటీవల పూణేలో జరిగిన ఒక కార్యక్రమంలో రిలీజ్ అయింది. ఐతే, తాజాగా ఈ చిత్రం 3డి ఫార్మాట్‌లో విడుదల చేస్తున్నట్లు మేకర్స్ ప్రకటించారు. నిజంగా ఇది ప్రేక్షకులకు అద్భుతమైన అనుభవాన్ని ఇస్తుంది. ఐతే, ఇది ఒక సాహసోపేతమైన నిర్ణయమే. మరి ఈ నిర్ణయం ఎంతవరకు వర్కౌట్ అవుతుందో చూడాలి.
ఈ సినిమాలో సంయుక్త కథానాయికగా కనిపించనున్నారు. ఆది పినిశెట్టి విలన్ పాత్రను పోషిస్తున్నారు. తమన్‌ స్వరాలు అందిస్తోన్న ఈ సినిమా ఈ ఏడాది డిసెంబర్ 5న ప్రపంచ వ్యాప్తంగా విడుదల కానుంది. అన్నట్టు ఇప్పటికే, విడుదలైన ఈ సినిమా టీజర్‌ ట్రెండ్‌ సృష్టించిన విషయం తెలిసిందే. అఖండ 2 – తాండవం’ పై రెట్టింపు అంచనాలు ఉన్నాయి. కాగా ఈ సినిమాను 14 రీల్స్ ప్లస్ బ్యానర్‌పై రామ్ ఆచంట, గోపీ ఆచంట ప్రొడ్యూస్ చేస్తున్నారు.