కింగ్ అక్కినేని నాగార్జున సూపర్ హిట్ చిత్రాల్లో ‘సోగ్గాడే చిన్నినాయన’ సినిమా కూడా ఒకటి. 2015లో విడుదలైన ఈ సినిమా కుటుంబ ప్రేక్షకుల్ని విశేషంగా ఆకట్టుకుని భారీ విజయాన్ని అందుకుంది. అయితే ఈ చిత్రంలో నాగార్జున చేసిన ‘బంగార్రాజు’ పాత్రకు విశేషమైన స్పందన వచ్చిన సంగతి తెలిసిందే. దీంతో డైరెక్టర్ కళ్యాణ్ కృష్ణ, నాగార్జున – నాగ చైతన్య కలయికలో ఆ సినిమానికి సీక్వెల్ తీయబోతున్న సంగతి తెలిసిందే. అయితే ఎప్పుడో మొదలవ్వాల్సిన ఈ చిత్రం కొన్ని కారణాల వల్ల వాయిదా పడుతూ వచ్చింది. దాంతో అనుకున్న సమయానికి బంగార్రాజు సినిమా సెట్స్ పైకి వెళ్ళలేకపోయింది. కాగా జూన్ మొదటి వారంలో సినిమాను మొదలుపెట్టి, క్రిష్టమస్ కి బంగార్రాజు సినిమాని రిలీజ్ చేయాలని చిత్రబృందం భావిస్తోంది.
ప్రస్తుతం కళ్యాణ్ కృష్ణ, బంగార్రాజు స్క్రిప్ట్ పనులను పూర్తి చేసే పనిలో ఉన్నాయట. ఇక ఈ చిత్రంలో ఓ కీలక పాత్రలో రమ్యకృష్ణ కూడా నటించబోతుంది. మరి నాగ్ ఈ సారి కూడా హిట్ కొడతారేమో చూడలి. అయితే గత సినిమా రాహుల్ ర‌వీంద్ర‌న్ ద‌ర్శ‌కత్వంలో నాగార్జున హీరోగా, రకుల్ ప్రీత్ సింగ్ హీరోయిన్‌ గా వచ్చిన `మ‌న్మ‌థుడు 2′ బాక్సాఫీస్ వద్ద నిరాశ పరించింది. దాంతో నాగార్జున తన తరువాత సినిమాల విషయంలో మరింత కేర్ తీసుకుంటున్నారు.
