మాస్ డైరెక్టర్ బోయపాటి శ్రీను దర్శకత్వంలో నటసింహం బాలకృష్ణ హీరోగా రాబోతున్న సినిమా రెగ్యులర్ షూటింగ్ ప్రస్తుతం శరవేగంగా జరుగుతున్న సంగతి తెలిసిందే. ఈ సినిమాకు సంభందించిన అప్ డేట్ కోసం బాలయ్య ఫ్యాన్స్ ఆసక్తిగా ఎదురుచూస్తున్నారు. సినిమాలో బాలయ్య రెండు పాత్రల్లో కనిపిస్తుండటం, వాటిలో ఒకటి అఘోరా పాత్ర కావడం, పైగా ఆ పాత్ర కోసం బాలయ్య గుండు చేయించుకోవడంతో అభిమానుల్లో ఆసక్తి ఎక్కువవుతోంది. మరి బోయపాటి ఈ ఉగాదికైనా బాలయ్య బాబు ఫస్ట్ లుక్ వదులుతాడేమో చూడాలి.
కాగా ఇప్పుడు జరుగుతున్న ఈ ఫస్ట్ షెడ్యూల్ లో ఫైట్ మాస్టర్స్ రామ్ లక్ష్మణ్ పర్యవేక్షణలో ఫైట్స్ ను షూట్ చేస్తున్నారు. మిర్యాల రవీందర్ రెడ్డి నిర్మిస్తున్న ఈ చిత్రంలో అంజలి కథానాయకిగా ఫైనల్ కాగా ఇంకొక కథానాయికను ఎంపిక చేయాల్సి ఉంది. అయితే శ్రియా సరన్ ను సెకెండ్ హీరోయిన్ కోసం తీసుకోవాలనుకుంటున్నారట. ఇకపోతే ఈ యేడాది వేసవికి సినిమా విడుదలకానుంది. ఈ చిత్రానికి తమన్ సంగీతం సమకూర్చనున్నారు.
