కామెడీ కింగ్ అల్లరి నరేష్ హీరోగా భారీ బడ్జెట్ తో తెరకెక్కిన ‘యాక్షన్ 3డి’ సినిమా గత శుక్రవారం విడుదలై మంచి ఓపెనింగ్స్ రాబట్టుకుంది. ఇండియాలో మొట్ట మొదటి సారిగా తెరకెక్కించిన 3డి మూవీ అని చెప్పడంతో ఈ సినిమాపై ముందు నుంచి అంచనాలు ఎక్కువగా ఉండటం, దానికి తోడు అల్లరి నరేష్ ఫ్యాన్స్ కూడా తోడవడంతో ఓపెనింగ్స్ బాగున్నాయి.
ఈ సినిమా రాష్ట్రం మొత్తం మీద 3డి, 2డి వెర్షన్స్ లో రిలీజ్ అయ్యింది. ఈ సినిమాకి అనిల్ సుంకర నిర్మాణ బాధ్యతలు చేపట్టడమే కాకుండా దర్శకత్వం కూడా చేసారు. అల్లరి నరేష్ తో పాటు రాజు సుందరం, వైభవ్, కిక్ శ్యాం హీరోలుగా నటించిన ఈ సినిమాలో స్నేహ ఉల్లాల్, నీలం ఉపాధ్యాయ్ మెయిన్ హీరోయిన్స్ గా నటించారు. బప్పి – బప్పా లహరి సంగీతం అందించిన ఈ సినిమాకి సర్వేశ్ మురారి సినిమాటోగ్రాఫర్. కీత్ డ్రైవర్ 3డి ఎఫెక్ట్స్ చేసారు.