శర్వానంద్ ప్రస్తుతం వరుసగా సినిమాలు చేస్తూ బిజీగా ఉన్నాడు. ఆయన కెరీర్‌లో 36వ చిత్రంగా ఓ భారీ యాక్షన్ అడ్వెంచర్ థ్రిల్లర్ రానుంది. ఈ సినిమాను అభిలాష్ రెడ్డి కంకర డైరెక్ట్ చేస్తున్నారు. స్పోర్ట్స్ డ్రామా అయిన ఈ చిత్రానికి అధికారికంగా బైకర్ అని పేరు పెట్టారు. ఈ సందర్భంగా టీమ్ ఓ పోస్టర్ ను కూడా రిలీజ్ చేశారు. ఈ పోస్టర్ లో శర్వానంద్ కొత్త అవతారంలో కనిపించాడు. బైకర్ గా శర్వా లుక్ చాలా బాగుంది.

ఈ మూవీ బైక్ రేసు నేపథ్యంలో సాగుతుందని చిత్ర యూనిట్ తెలిపింది. ఇక ఈ సినిమాలో అందాల భామ మాళవిక నాయర్ హీరోయిన్‌గా నటిస్తోంది. ఈ చిత్రానికి గిబ్రాన్ సంగీతం అందిస్తుండగా యూవీ క్రియేషన్స్ బ్యానర్ ఈ మూవీని ప్రొడ్యూస్ చేస్తున్నారు. అన్నట్టు ఈ సినిమా విడుదల తేదీని త్వరలో మేకర్స్ ప్రకటిస్తారు. ఈ సినిమా పై అయితే మంచి బజ్ ఉంది.