పవర్ స్టార్ పవన్ కళ్యాణ్‌తో ‘ఓజీ’ బ్లాక్ బస్టర్ అందుకున్న దర్శఖుడు సుజీత్, ఇప్పుడు తన నెక్స్ట్ చిత్రాన్ని ప్రారంభించాడు. నేచురల్ స్టార్ నానితో కలిసి తన కొత్త సినిమాను ఆయన ప్రారంభించాడు. “బ్లడీ రోమియో” అనే వర్కింగ్ టైటిల్‌తో ఈ చిత్రాన్ని రూపొందిస్తున్నారు.
దసరా సందర్భంగా జరిగిన పూజా కార్యక్రమంతో ఈ సినిమాను అధికారికంగా లాంచ్ చేశారు. ఈ పూజా కార్యక్రమంలో నాని, సుజీత్‌తో పాటు చిత్ర బృందం పాల్గొనగా, విక్టరీ వెంకటేష్ ముఖ్య అతిథిగా హాజరయ్యారు.
డిసెంబర్ 2025లో షూటింగ్ ప్రారంభమవుతుండగా, క్రిస్మస్ 2026 కానుకగా సినిమా విడుదల చేయాలని మేకర్స్ ప్లాన్ చేస్తున్నారు. ఈ చిత్రాన్ని నిహారిక ఎంటర్‌టైన్‌మెంట్స్ బ్యానర్‌పై వెంకట్ బోయనపల్లి నిర్మిస్తున్నారు. మిగతా క్యాస్టింగ్‌కు సంబంధించిన పూర్తి వివరాలు త్వరలో వెల్లడించనున్నారు.