యంగ్ రెబల్ స్టార్ ప్రభాస్ ‘మిర్చి’ కలెక్షన్లు సాధిస్తూ దూసుకుపోతుంది. విడుదలైన మొదటి వారాంతంలో ప్రభాస్ కెరీర్ బెస్ట్ ఓపెనింగ్స్ సాధించిన మిర్చి వీక్ డేస్ లో కలెక్షన్స్ బావున్నాయి. మొదటి వారం పూర్తయిన తరువాత కొన్ని చిన్న సినిమాల వల్ల థియేటర్స్ తగ్గినప్పటికీ వాటిలో మిర్చికి పోటీనిచ్చేవి ఏవీ పెద్దగా లేకపోవడంతో ఈ వారం కూడా కలెక్షన్స్ బావుంటాయని ట్రేడ్ విశ్లేషకులు అంచనా వేస్తున్నారు. ప్రభాస్ మాస్ ప్లస్ క్లాస్ క్యారెక్టరైజేషణ్, ఫైట్స్ బాగా ఆకర్షిస్తున్నాయి. ఈ సినిమా తరువాత ప్రభాస్ నెక్స్ట్ సినిమా బాహుబలి మరో రెండేళ్ళు పట్టే అవకాశం ఉండటంతో కూడా ఈ సినిమాని హిట్ చేసి ప్రభాస్ ఫాన్స్ ముచ్చట తీర్చుకుంటున్నారు. ఈ సినిమా విజయంతో బాహుబలి మీద అమాంతం అంచనాలు పెరిగాయి.