యూనివర్సల్ స్టార్ కమల్ హాసన్ “విశ్వరూపం” చిత్రం ఈ శుక్రవారం ఆంధ్రప్రదేశ్ లో విడుదల కానుంది. కాని ప్రస్తుతం బాక్స్ ఆఫీస్ పై ఉన్న”సీతమ్మ వాకిట్లో సిరిమల్లె చెట్టు” మరియు “నాయక్” చిత్రాల ఆధిపత్యం మీద ఈ చిత్ర ప్రబావితం ఉండనుందా? అన్నదే అందరి మదిలో తొలిచే ప్రశ్న. “ప్రస్తుతం వాణిజ్య పరంగా “సీతమ్మ వాకిట్లో సిరిమల్లె చెట్టు” మరియు “నాయక్” చిత్రాలు మంచి వ్యాపారం చేస్తున్నాయి. “విశ్వరూపం” చిత్రానికి అద్భుతమయిన పాజిటివ్ రెస్పాన్స్ వస్తే తప్ప ఈ రెండు చిత్రాలను కాదని సగటు ప్రేక్షకుడు ఆ చిత్రానికి వెళ్ళడానికి ఇష్టపడడు” అని కృష్ణ జిల్లా డిస్ట్రిబ్యూటర్ అన్నారు. ఆంధ్ర ప్రదేశ్ లో కమల్ హసన్ ని ఆరాధించే వారూ ఉన్నారు ఈ వీకెండ్ బాక్స్ ఆఫీస్ వద్ద ఎం జరుగుతుంది అనేది చాలా ఆసక్తికరంగా మారింది.