అల్లు అర్జున్ ఫ్యాన్స్ కి పండగ లాంటి వార్త ఇది. టాలీవుడ్ సక్సెస్ ఫుల్ డైరెక్టర్ కొరటాల శివతో ఆయన మూవీ చేస్తున్నారు. అల్లు అర్జున్ తన 21వ చిత్రం కొరటాల శివతో చేస్తున్నట్లు అధికారిక ప్రకటన రావడం జరిగింది. ఇక ఈ అనౌన్స్మెంట్ పోస్టర్ ఆసక్తి రేపుతుంది. సముద్ర తీరాన ఇద్దరు వ్యక్తులు నిలబడి, తీరాన దూరంగా ఉన్న ఓ నగరాన్ని చూస్తున్నారు. డార్క్ షేడ్ లో ఉన్న ఆ పోస్టర్ లో ఆకాశంలో గద్దలు తిరుగుతున్నాయి. ఇక ఇది కొరటాల మార్కు సోషల్ అండ్ సీరియస్ సబ్జెక్టు గా తెలుస్తుంది.
కాగా ఈ మూవీని కూడా బన్నీ పాన్ ఇండియా చిత్రంగా చేస్తున్నారు. నాలుగు భాషలలో భారీగా ఈ మూవీ విడుదల కానుంది. యువసుధ ఆర్ట్స్, జి ఏ 2 పిక్చర్స్ కలిసి నిర్మిస్తున్నాయి. ఇక సుధాకర్ మిక్కిలినేని నిర్మాతగా ఉన్నారు. వచ్చే ఏడాది సెట్స్ పైకి వెళ్లనుంది. 2022 ప్రారంభంలో మూవీ విడుదల కానుంది.