ఓ వీడియో గ్రాఫర్ పెట్టిన పోస్ట్ దీపికా పదుకొనెకు కోపం తెప్పించింది. సదరు వీడియో గ్రాఫర్ పై సోషల్ మీడియా వేదికగా విమర్శలు గుప్పించింది. మరి అంతగా దీపికాకు కోపం రావడానికి ఆ ఫోటో గ్రాఫర్ చేసిన పనేమిటి అంటే. ఇటీవల ఆత్మ హత్య చేసుకొని మరణించిన సుశాంత్ సింగ్ అంతిమ యాత్రకు సంబంధించిన వీడియోను ఓ ప్రముఖ ఫొటోగ్రాఫర్ సోషల్ మీడియాలో షేర్ చేశాడు. అంతే కాకుండా ”నేను తీసిన ఫోటోలు లేదా వీడియోలను నా అనుమతి లేకుండా ఏ ప్లాట్‌ఫామ్‌లోనూ పోస్ట్ చేయరాదు’ అని సదరు వీడియోలో తెలియజేశాడు.
ఈ విషయం దీపికా పదుకొనె కోపానికి కారణం అయ్యింది. ‘అవునా ఐతే ఇలా వీడియో తీయడం సరైన పనేనా? ఈ వీడియోను సోషల్ మీడియాలో పోస్ట్ చేసే ముందు సుశాంత్ కుటుంబ సభ్యుల అనుమతి తీసుకున్నారా? ఒక వ్యక్తి మృతిని కూడా క్యాష్ చేసుకుంటున్నారా?’ అంటూ దీపిక ఆగ్రహం వ్యక్తం చేసింది. ఆ ఫోటో గ్రాఫర్ సుశాంత్ సింగ్ అంతిమ యాత్రలో తీసిన ఫోటోలకు కాపీ రైట్స్ క్లైమ్ చేస్తున్నట్లుగా వీడియోలో చెప్పడం దీపికాకు కోపానికి కారణం అయ్యింది. ఒకరి చావును కూడా తన స్వార్ధం కోసం వాడుకుంటున్న అతని బుద్ధిని ఆమె ప్రశ్నించారు.