చాలా కాలం విరామం తరువాత తమన్నా తమిళంలో ఒక చిత్రానికి సంతకం చేసింది. శౌర్యం శివ దర్శకత్వంలో అజిత్ హీరోగా రానున్న ఒక చిత్రంలో తమన్నా కథానాయికగా నటించనుంది. ఈ చిత్రం మార్చ్ లో మొదలు కానుంది. అజిత్ సరసన నటించడం తమన్నకి ఇదే మొదటిసారి. గత కొద్ది రోజులుగా తమన్నా తమిళంలో మంచి చిత్రం కోసం వేచి చూస్తున్నట్టు మీడియాకి చెప్తూ వచ్చారు. “100% లవ్” చిత్రం నుండి ఈ మధ్య వచ్చిన “కెమెరామెన్ గంగతో రాంబాబు” చిత్రం వరకు తమన్నా బిజీ ఏడాదిని గడిపారు. ప్రస్తుతం అజయ్ దేవగన్ సరసన బాలీవుడ్లో “హిమ్మత్ వాలా” చిత్ర రీమేక్ లో నటిస్తుంది ఇది కాకుండా తెలుగులో నాగ చైతన్య సరసన “వెట్టై” రీమేక్లో నటిస్తుంది. తమిళంలో ఈ చిత్రం ఆమెకు గొప్ప అవకాశం అనే చెప్పాలి ఇప్పటికే ఈ చిత్రం మీద ఉన్న అంచనాల మూలాన ఈ చిత్రం ఆమెకి మంచి కంబ్యాక్ చిత్రం కానుంది. దేవి శ్రీ ప్రసాద్ సంగీతం అందిస్తుండగా వెట్రి సినిమాటోగ్రఫీ అందిస్తున్నారు. విజయ ప్రొడక్షన్స్ బ్యానర్ మీద వెంటరమ రెడ్డి మరియు భారతి రెడ్డి ఈ చిత్రాన్ని నిర్మిస్తున్నారు.