సీనియర్ బాలీవుడ్ నటుడు మరియు ఫిలిం మేకర్ దేవానంద్ ఈ రోజు ఉదయం గుండెపోటుతో లండన్ లోని హాస్పిటల్లో చనిపోయారు. ప్రస్తుతం ఆయనకి 88 ఏళ్ళ వయసు. కొద్ది రోజుల క్రితమే ఆయన మెడికల్ చెకప్ కోసం లండన్ వెళ్లారు. పంజాబ్ లోని గుర్దాస్పూర్ అనే గ్రామంలో జన్మించిన ఆయన లాహొర్ లోని యూనివర్సిటీలో చదువుకున్నారు. 1940 లో ముంబైకి మారిపోయారు. హమ్ ఎక్ హై అనే సినిమా బాలీవుడ్ లో రంగప్రవేశం చేసారు. తరువాత ఐదు దశాబ్దాల పాటు అగ్ర కథానాయకుడిగా కొనసాగారు. తన సోదరులు విజయ్ ఆనంద్ మరియు చేతన్ ఆనంద్ డైరెక్టర్ గా నిర్మాతగా పని చేసారు. ఆయన చివరి శ్వాస వరకు నటుడిగా దర్శకుడిగా ఎనలేని సేవ చేసారు. ఆయన నటించిన గైడ్. జువెల్ తీఫ్, కాలాపానీ, కాలా బజార్ చిత్రాలు బాలీవుడ్ క్లాసిక్స్ గా నిలిచిపోయాయి.