తమిళ్ స్టార్ హీరో సూర్య, మాస్ డైరెక్టర్ హరి కాంబినేషన్ లో మరో సినిమాకి రంగం సిద్ధం అయిన సంగతి తెలిసిందే. సూర్య 39వ ప్రాజెక్ట్ గా వస్తోన్న ఈ సినిమాలో సూర్య డబల్ రోల్స్ లో నటించబోతున్నట్లు తెలుస్తోంది. ఇద్దరు కవలలుగా పుట్టిన వాళ్లలో ఒక్కళ్ళు చెడు మార్గాన్ని ఎంచుకుంటే రెండో వాడు ఆ చెడును ఎలా ఆపాడు అనే కాన్సెప్ట్ తో ఈ సినిమా వస్తోందని తెలుస్తోంది. దీనికి తోడు సూర్య ఫాన్స్ సూర్యని ఎలా చూడాలనుకుంటారో.. అంతకు మించి పవర్ ఫుల్ గా సూర్యని చూపిస్తూంటాడు హరి.
అందుకే వీరి కాంబినేషన్ లో వచ్చిన సినిమాలకు మాస్ ఆడియన్స్ లో విపరీతమైన క్రేజ్ ఉంది. సూర్య – హరి కాంబినేషన్ అంటే.. అటు తమిళంలోనే కాకుండా ఇటు తెలుగులో కూడా మంచి క్రేజ్ ఉంది. వీరి ఇద్దరి కలయికలో ఇంతకుముందు వచ్చిన ఆరు, వేల్, సింగం 1,2,3 సీక్వెల్స్‌ సూపర్ హిట్ అయ్యాయి. మొత్తానికి సూర్యతో హరి ఈ సారి హిట్ కొట్టాలనే కసి మీద ఉన్నాడు. మరి ఈ సూపర్ హిట్ కాంబినేషన్ హిట్ అవుతుందా లేదా అనేది చూడాలి.